Hetih rualin, MNF general secretary chuan, “ ZPM in inthlan hmaa an sawi ṭhin, an in tiamna pakhat, Pu Duh-a phei chuan vawi tamtak a sawi tawh Development Bank din a, eizawnna nei hlawhtlin tumte tan loan a pung awmlo leh a pung tlem chi te a pûk a, sorkar quarantor a ṭang nghal thei tur vawiin thlenga siam tuma hmalakna awmlo hi a pawi ka ti takzet a ni,” a ti a, bank din tur an sawi hi ti hlawhtling ngei se a duhthu sawiin an enzui reng dawn thu a sawi bawk.

Lalremruata Chhangte chuan ZPM in 2023 inthlana an sorkar theihnan manifesto bakah intiamna ṭhahnemtak an nei a, a tih hlawhtlin kawngah beisei an pha lo hle niin a sawi a, “ CM/ Minister te’n sum renchem kawngah hma an hruai tur thu sawi mahse, car pakhat aia tam kawlloh an manifesto a an dah chu an bawhchhe chiang hle a, CM office MINECO a sawn tur manifesto a an ziah pawh sawn aiin CMO an ti lian zual deuh deuh thung a ni,” a ti.

Sum ren tumin mipui hmaah theihtawpin in zuar mahse, an sorkar meuh chuan sorkar sum ti hek turin induhsakna a ruat adviser to CM panga ngawt an nei tiin, “Adviser pa ngate office expenditure leh motor hire man sawi tel miah lovin an staff ho hlawh ringawt pawh kum 5 chhungin nuai 1000 dawn atling”, MNF general secretary chuan a ti bawk.

Vawiin an party in khawm hi C. Laltawnvela, Adviser in a kaihhruaia, Lalmuanchhana Sailo, Secretary in report a pe bawk.